سلمى صباحي: أغنية بنت أبويا أشعرتني بالغيرة من هنا يسري

أشادت المطربة والمذيعة سلمى صباحي بأغنية “بنت أبويا”، التي غنتها المطربة هنا يسري، ضمن أحداث الموسم الثاني لمسلسل “موضوع عائلي”.

وقالت سلمى صباحي، عبر حسابها على فيسبوك: نادر جدا إني أحس بالغيرة، بس لما سمعت أغنية “بنت أبويا” حسيت بالغيرة إني مش أنا اللي غنيت الكلام ده، لأن فعلا الكلام ده بتاعي جدا، وكل اللي يعرفني يعرف أبويا إيه بالنسبه لي، وطول عمري يقولولي “بنت أبوكي” ومع ذلك البوست ده في حب هنا يسري، حبيت صوتها وإحساسها، صوتها فيه بحه، ورنه مختلفة، وجديدة على ودني، بس دخل قلبي.

وأضافت: فكرة بقى إنها تغني الكلام ده وأبوها مش موجود، وجعه قلبي أكتر، أنا أصلا بعيط غصب عني وأنا بسمعها، ففعلا مش مستوعبة هي إزاي قدرت تغنيها، ومن حبي في أبوها حبيتها أكثر، الفنان الجميل إبراهيم يسري، الله يرحمه.