كنت ممنوع بسبب شكلي الوحش.. محمد الطوخي يحكي تفاصيل منعه من حفلات الأوبرا

أهدى الفنان محمد الطوخي، نجاح حفل العندليب الذي أحياه مساء الخميس الماضي بدار الأوبرا، لكل الناس الإيجابية في حياته وفي مقدمتهم دكتور خالد داغر رئيس الأوبرا.

وكتب عبر حسابه بموقع التواصل الإجتماعي فيسبوك: “بهدي نجاح حفل العندليب لناس كتير في حياتي، منهم اللي لعبوا دورا إيجابيا مهما في خطواتي، ومنهم كمان، ومتندهشوش، لما أقول لعبوا دورا سلبيا في حياتي”.

وتابع: “أصحاب الدور الإيجابي ساعدوني ونوروا السكة قدامي، وأصحاب الدور السلبي خلوا التحدي اللي جوايا أكبر”.

واستكمل: “نقطة إيجابية في حياتي، الدكتور خالد داغر رئيس دار الأوبرا المصرية بشكره من قلبي لإنه كان السبب في عودتي مرة أخرى لحفلات الأوبرا، وكان أولها حفلات العندليب واللي الحمدلله لاقت نجاحا كبيرا، أما (صاحبة الدور السلبي) هي مسئولة سابقة عن حفلات الموسيقى العربية في دار الأوبرا، وبرضه بشكرها لإنها لما كانوا بيرشحوا اسمي ليها كانت بتقول لهم مش عاوزاه عشان شكله (وِحش)، وعلى هذا الأساس فضلت ممنوع لفترة كبيرة بسببها من حفلات الأوبرا”.

واختتم: “بصراحة كان نفسي تقيمني على أساس موهبتي وفني واللي هقدر أقدمه، أما موضوع شكلي ده بتاع ربنا وعاجبني والحمدلله، عموما، الحمد لله على كل حاجة وأنا واثق إن كل شئ له ميعاد وإن الجاي أحسن بإذن ربنا”.