أوضح الإعلامي أحمد حسام ميدو، عن تفاصيل جديدة بشأن إصابة محمود عبد الرازق شيكابالا، قائد نادي الزمالك، خاصة بعد ابتعاده عن الفريق الفترة الماضية.
وكانت قناة نادي الزمالك، قد أشارت لوجود إصابة خطيرة للاعب الفريق وقائده، وهو ما أثار قلق الجماهير بشدة .
ميدو يكشف تفاصيل جديدة عن إصابة شيكابالا
وفي تصريحات تلفزيونية قال ميدو :”
“شيكابالا لما الفريق رجع من تونس، شعر بتعب وأعراض شبيهة بالكورونا ولما عمل التحليل، لقى في زيادة في الالتهابات اللي موجودة جوا جسمه”.
“فعمل المسحة الخاصة بكورونا وطلع سلبي لكن عنده كل الأعراض الخاصة بكورونا ومن يومها شيكابالا لم يخرج من البيت”.
“شيكابالا انهاردة تم الحصول منه على تحليل دم، ونسبة الالتهابات قلت ورجعت لطبيعتها، وهو حاسس إنه بقى أحسن”.
“لكن لازم ياخد وقته في العودة، الاستعجال ممكن يجيب نتيجة عكسية”.
⏱️ نهاية المباراة!
الزمالك 0 / 2 إنبي #Zamalek #MostTitledIn20C | #الزمالك pic.twitter.com/fT8oBJ9ZSd
— Zamalek SC (@ZSCOfficial) March 12, 2023
“أنا لسة متكلم مع شيكابالا وهو الحمد لله كويس وده اللي بأكده لأهله في أسوان وجماهير الزمالك”.
“أهل شيكابالا في أسوان مش مصدقين إن الخبر اللي انتشر عبر قناة الزمالك، عن إصابة شيكابالا ده مش صحيح، وقلقانين على شيكابالا جدا”.
“كل ده من خبر غلط على قناة نادي الزمالك، لازم المنصة الرسمية تكون مصدر دعم مش ضغط”.
