بعد إيقاف 6 شهور.. كهربا يوجه رسائل قوية لجماهير الأهلي بعد العودة للتألق

وجه محمود عبد المنعم كهربا لاعب النادي الأهلي، رسائل قوية للجماهير بعد عودته للتألق من جديد.

وتعرض كهربا للإيقاف 6 شهور قبل أن يعود للمشاركة في المباريات من جديد مع القلعة الحمراء في يناير الماضي.

رسائل قوية من كهربا لجماهير الأهلي

وكتب كهربا عبر حسابه بموقع فيس بوك: بعد إيقاف ٦ شهور الحمد لله قدرت اقف على رجلي تاني و بسرعه جدا و اكمل مسيرتي .

وأضاف: موسم صعب و كله ضغوطات إنتهي بأن الأهلي بطل كل حاجه و بكرم ربنا و دعم جمهور الأهلي قدرنا نحقق كل البطولات إللي شاركنا فيها مكنش هينفع إننا نستسلم في وسط الطريق كان لازم نكمل للاخر زي الأهلي ما عودنا كنت بستني الإيقاف ينتهي بفارغ الصبر علشان أقدر أشارك و أجتهد ،

وواصل: إتعرضت لضغوط كتير و ناس بتحاول إنها تعطلني بس ربنا كان ديما في ضهري و نصرني الحمدلله فا اي ضغط من الضغوطات الكتير الي اتعرضتلها كنت برميه ورا ضهري و أركز في تمريني و اركز في الملعب.

وأكمل: أسعد جمهور النادي في محاولة إني أرد و لو جزء بسيط من فضل جماهير النادي في دعمهم ليا و وقوفهم في ضهري من أول يوم كنت فيه في النادي ولا أي كلام هيوفيهم حقهم ولا هيوصف اللي في قلبي.

وتابع: من ناحيتهم الحمد لله قدرنا نحقق كل حاجه و في النهاية بشكر كل شخص قدملي المساعده ووقف جنبي من اول بيتي النادي الاهلي و مجلس الاداره و المدير الفني و الجهاز بأكمله  و اخواتي في الملعب الي عمال غرفة الملابس و المنظومه جميعا و اشكر عائلتي الداعم الحقيقي و الدائم في كل الاوقات .

واختتم:  بشكر كل إللي وقف جمبي و كان بيشجعني و كان حافز إني أكمل و مستسلمش  شكرا من كل قلبي